WANANCHI NAMUPA NA NYANGAO WAPATIWA ELIMU.

Posted on: July 21st, 2021

Elimu ya Usafi wa mazingira imetolewa tarehe 19-20 Julai 2021 kwa njia ya uchefushaji (COMMUNITY LED-TOTAL SANITATION) katika Kijiji cha Mahiwa Kata ya Nyangao na Muungano Kata ya Namupa ndani  ya Halmashauri ya Wilaya ya Mtamaa kwa lengo la kubadilisha tabia za wananchi kujisaidia hovyo hali inayopelekea uchafuzi wa mazingira katika maeneo yao yanayowazunguka na badala yake wajenge vyoo ili waishi katika mazingira safi na salama.

Kupitia Mpango wa maji safi vijijini WASH kutoka  Shirika la World  Vision  Diocese ya Masasi imeratibu zoezi zima kwa kushirikiana na idara ya afya Halmashauri ya Wilaya ya Mtama na kufanikiwa kuvifikia takribani vijiji viwili Mahiwa kata ya Nyangao pamoja na Muungano kata ya Namupa ambapo jumla ya wanachi  314 wamefikiwa na elimu hiyo.

Kutokana na elimu hiyo kupitia zoezi la uchefushaji wananchi wa vijiji hivyo wamejiwekea mikakati na maakubaliano ya ujenzi wa vyoo ifikapo Agosti 20 2021.

Uchefushaji ni njia mojawapo ya kuwafanya wananchi kuacha kujisaidia ovyo katika maeneo yao na kuwafanya wajenge vyoo ambapo njia hii huwafanya wananchi kuona aibu, uoga,kukereka na kutoridhika na kupelekea watu kutambua uchafu walionao ili waweze kuacha uchafuzi wa mazingira na kuishi katika mazingira safi na salama.