WANANCHI WA KATA YA MTAMA WAJITOKEZA KUSAFISHA ENEO LITAKALOJENGWA KITUO CHA AFYA.

Posted on: October 9th, 2021

Ni matamanio ya muda mrefu ya  uhitaji wa kituo cha Afya Kata ya Mtama yaliyowasukuma wananchi wa Kata ya Mtama wakishirikiana na uongozi wa Halmashauri chini ya usimamizi wa Mkurugenzi Ndg. George Emmanuel Mbilinyi kujitokeza kwa wingi kushiriki kwa pamoja kusafisha eneo lililotengwa kwa ajili ya ujenzi wa kituo cha Afya cha Kata. Wananchi hao wametoa wito kwa jamii nzima ya Mtama kujitokeza kwa wingi kusafisha eneo hilo kwani kwa kufanya hivyo ni kuunga mkono  jitihada za Serikali katika kuleta maendeleo. 

Naye Mkurugenzi Mtendaji wa Halmashauri ya Wilaya ya Mtama Ndg. George Emmanuel Mbilinyi ametoa shukurani kwa Rais wa awamu ya sita wa Jamhuri ya Muungano wa Tanzania Mh. Samia Suluhu Hassan kwa kutoa fedha kwa ajili ya ujenzi wa kituo hicho. Aidha amewataka wananchi waliojitokeza kufanya kazi kwa uaminifu na uadilifu lakini pia waendelee kuwekeza nguvu zao  kwa lengo la kukamilisha kwa haraka mradi huo.

Jumla ya shilingi Milioni  250 tayari zimetolewa kwa  awamu ya kwanza zitakazojenga majengo matatu la OPD, Maabara pamoja na kichomea taka ujenzi wa kituo hicho unatarajiwa kuanza tarehe 11 Octoba 2021. 

Kukamilika kwa ujenzi wa kituo hicho kutawapunguza wananchi wa Mtama na maeneo jirani changamoto ya kusafiri kwa umbali mrefu kufuata huduma za afya.

Mkurugenzi akizungumza na wananchi waliojitokeza kufanya usafi

mwananchi akikata mkorosho

muweka hazina wa Halmashauri pia alishiriki