WAANDIKISHAJI WA ORODHA YA WAPIGA KURA WAPATIWA MAFUNZO MTAMA.

Posted on: October 7th, 2024

Mafunzo hayo yametolewa  tarehe 7 Oktoba 2024 katika kambi tatu(3) tofauti ambazo ni ukumbi wa Shule ya Sekondari Nyangao, ukumbi wa HeinBeck uliopo kata ya Nyangao pamoja na ukumbi wa Mtama Break Point uliopo kata ya Mtama huku Lengo la mafunzo hayo ni kuwajengea uwezo zaidi waandikishaji hao.

Aidha zoezi la uandikishaji litaanza siku 47 kabla ya siku ya Uchaguzi ambapo litafanyika Kwa siku 10 mfululizo kuanzia tarehe 11 Oktoba hadi tarehe 20 Oktoba 2024, lakini pia vituo vya uandikishaji vitafunguliwa kuanzia saa 2:00 Asubuhi hadi saa 12:00 jioni.

Hata hivyo, Bi: Emma Lunojo Mwezeshaji wa mafunzo hayo amewataka waandikishaji hao kuwasisitiza Wananchi wenye sifa kujitokeza Kwa wingi kujiandikisha kwenye orodha ya wapiga kura katika Kitongoji husika kwani watakao jiandikisha ndio watakao piga kura Novemba 27 Mwaka huu.