VITO FC LINDI DC WAGAIWA VIFAA

Posted on: March 31st, 2019

Vijana wa VITO FC kutoka Halmashauri ya Wilaya ya Lindi ambao walienda Nchini Finland kwa ziara ya kimichezo chini ya udhamini wa mradi wa kusaidia maendeleo ya Michezo kupitia kauli mbiu ya "Elimu na Michezo"

Imetoa vifaa mbalimbali kwa vijana hao, Vifaa hivyo ni pamoja na Daftari (caunter books) -10 kwa kila kijana,taa ya solar kwa ajili ya kusomea,sare za shule (Suruali na shati), viatu vya shule, ikiwa hivyo vyote kwa ajili ya kukamilisha mahitaji ya shule pamoja na vifaa vya michezo kama viatu vya kuchezea mpira wa miguu, stocking, na mipira miwili kwa ajili ya kuendelea kufanya mazoezi. 

Akikabidhi vifaa hivyo kwa vijana hao wakiwa sambamba na wazazi/walezi wao, Ndg Mohamedi A. Athumani kwa niaba ya Mkurugenzi wa Halmashauri ya Wilaya ya Lindi, aliwasisitizia vijana hao kufanya juhudi katika masomo pamoja na michezo, aidha aliwaomba wazazi kuwahimiza vijana wao kutekeleza jukumu hilo kwa karibu zaidi. Sambasamba na hilo Meneja wa mradi wa SDA Ndg Ramso aliwaomba wazazi kuridhika na msaada waupatao kwa ajili ya watoto wao na kutokuwanyang'anya vifaa na kuvitumia wao. zoezi la utoaji wa vifaa hivyo lilifanyika katika viwanja vya Shule ya Msingi Mtama.