"TUWAJIBIKE, TUWE NA NIDHAMU".

Posted on: August 11th, 2021

Hayo yamesemwa na Mh. George Mbilinyi Mkurugenzi wa Halmashauri ya Wilaya ya Mtama leo alipokutana  kwa mara ya kwanza na watumishi wa  Halmashauri hiyo kwenye kikao cha utambulisho kilichofanyika leo tarehe 11 Agosti 2021 katika Ukumbi wa mikutano wa Halmashauri.

Katika kikao hiko Mh. Mbilinyi  alipata nafasi ya kujitambulisha na kuwatambua baadhi ya watumishi waliohudhuria. Aidha katika hotuba yake ya kwanza   ya utambulishp mara baada ya kuripoti katika kituo chake kipya cha kazi , Mh. Mbilinyi amewataka watumishi wote wa halmashauri kufanya kazi kwa bidii, kwa ushirikiano, kuwa na mahusiano mazuri mahali pa kazi,  uwajibikaji, kuwa na nidhamu,pamoja na uzalendo  ili kufikia malengo na kuleta maendeleo ndani ya halmashsuri. “ tutaweza kufikia malengo kama tutakuwa na nidhamu, nidhamu katika muda wa kazi, lazima tuheshimu muda wa kazi, lakini ikibidi unajitolea muda wa ziada”Mh George Mbilinyi. Sambamba na hayo Mh. Mbilinyi amewaomba watumishi kumpa ushirikiano wa kutosha ili kuiwezesha Halmashauri ya Wilaya ya Mtama kuwa bora na ya mfano

Nae afisa utumishi wa wilaya Ndg. Mahmoud Kimbokota alipata nafasi ya kusoma historia fupi ya Halmashauri ya Wilaya ya Mtama na kutoa neno la ukaribisho kwa Mh. Goerge Mbilinyi Mkurugenzi Mtendaji wa Halmashauri ya Wilaya.