TALGWU WATOA VIFAA VYA USAFI KITUO CHA AFYA MTAMA.

Posted on: March 7th, 2024

Kuelekea kwenye maadhimisho ya  kilele Cha siku ya wanawake Dunia yanayofanyika tarehe 8 machi (Kila mwaka)  Chama Cha wafanyakazi wa Serikali za Mitaa Tanzania ( TALGWU) Leo tarehe 7 machi 2024 kimegawa vifaa vya kufanyia usafi katika Kituo Cha Afya Mtama, Vifaa hivyo ni ndoo za kuhifadhia takataka 9, fagio 10, mopa 10,  madekio na ndoo zake 7, fyekeo 10 pamoja na reki 5.

Kaimu Mganga Mfawidhi  Daktari Elizabeth Mpunga alipokea vifaa hivyo na alitoa neno la shukrani kwa kuwashukuru wadau hao kwani Kituo hiko kulikua na uhitaji wa vifaa vya usafi aidha vifaa hivyo vitatumika kuongeza hali  ya usafi wa mazingira ya ndani na nje ya Kituo hiko.

Aidha katibu wa TALGWU mkoa wa Lindi Ndugu Bashiru Salehe alisema kuwa lengo kubwa la kugawa vifaa hivyo katika Kituo hiko ni kuunga mkono jitihada za Serikali katika sekta ya Afya na kuonesha kile kinacho fanyika na TALGWU kwenye jamii, Mwisho Katika msafara huo pia alikuepo mwenyekiti Ushauri wa wanawake mkoa wa Lindi Ndugu Salma Mohamed pamoja na wajumbe wengine kutoka Halmashauri ya Wilaya ya Mtama.