SPORTS DEVELOPMENT AID WAMEFANYA BONANZA KWA SHULE ZA SEKONDARI MTAMA.

Posted on: July 19th, 2024

Shirika la Sports Development Aid(SDA) wamefanya bonanza la michezo kwa shule za Sekondari zilizopo katika Halmashauri ya Mtama, miongoni mwa shule hizo ni Mtama Sekondari, Nyengedi Sekondari,Mtua Sekondari,Mahiwa Sekondari na Kiwalala Sekondari.Bonanza hilo limefanyika leo tarehe 19 Julai 2024 katika viwanja vya shule ya Sekondari Nyengedi.

Akitoa neno la ufunguzi Mgeni Rasmi wa bonanza hilo Ndugu Mwinjuma Muumini Afisa Elimu Sekondari alisema kuwa suala la michezo ni muhimu kwani linakwenda sambamba na taaluma hivyo kuwataka waalimu kila shule kuwa na vipindi vya michezo kwa kila wiki pamoja na  viwanja vya michezo.

Aidha Bw: Ramso Mkurugenzi wa Bonanza hilo kutoka SDA aliwasisitiza wanafunzi kusoma kwa bidii kwani Serikali ya awamu ya sita imewekeza nguvu nyingi katika Sekta ya Elimu lakini pia kuzingatia mambo ya msingi yanayosisitizwa shuleni, nyumban lakini pia na wadau mbalimbali wa maendeleo, na aliongeza kuwa wanafunzi wanataikwa kuachana na tabia hatarishi zitakazo haribu ndoto zao.

Mwisho Mkurugenzi wa Bonanza pamoja wageni wengine walitoa zawadi mbalimbali kwa wanafunzi waliofanya vizuri katika mashindano hayo lakini pia zawadi zingine zilitolewa kwa shule zote zilizo shiriki michezo hiyo.