Furaha na Nderemo yatawala Mikoa ya Lindi na Mtwara

Posted on: May 21st, 2018

Waziri Mkuu wa Tanzania mh Kasim Majaliwa  Majaliwa jana amezindua mradi wa uunganishwaji wa umeme katika gridi ya taifa kwa mikoa ya Lindi na Mtwara na kuagiza kuunganisha umeme huo katika Taasisi zote za umma

Akizungumza na baadhi ya wakazi wa Mkoa wa Lindi na Mtwara waliohudhuria hafla hiyo mara baada ya uzinduzi  Majaliwa  alisema kuwa uunganishaji wa mikoa hiyo katika Gridi ya Taifa sasa kutaifanya mikoa hiyo kuwa na umeme wa uhakika sambamba na kufunguka kiuchumi

Alisema serikali imedhamilia kumaliza kabisa tatizo la umeme kwa nchi mzima na kwamba mkakati uliopo kwa sasa ni kuendelea kuboresha miundombinu ya zamani  sambamba na kuanzisha miradi mipya ya kufua umeme

Alisema sasa tatizo la kukatika kwa umeme kwa mikoa hiyo mara kwa mara litakuwa limemalizika kwani baada ya kuungaanisha mikoa hiyo sasa itakuwa inatumia zaidi ya njia tatu yaani  kama njia moja itapata itilafu njia nyingine itaweza kusaidia

“nlipoingia hapo ndani wataalamu wameniambia kuwa  umeme huo kwa sasa wameuweka kwenye njia ambazo kama njia moja ikipata tatizo njia nyingine itaweza kutatua tatizo na umeme hutaweza kukosekana  kama njia moja Haitakuwa kuwa na tatizo hiyo ni wajibu wa kila Mwananchi kufurahia umeme huu

Aidha Majaliwa pia aliwahasa wananchi wa Mikoa ya Lindi na Mtwara kuutumia umeme huo katika shughuli za kiuchumi kama vile kuanzisha viwanda vidogo vidogo ili waweze kujiongezea kipato