NDEMANGA AZINDUA KAMPENI YA MATUMIZI SAHIHI YA MBOLEA KATIKA KILIMO

Posted on: January 11th, 2022

Kampeni hiyo imezinduliwa Kimkoa tarehe 11 Januari 2022 kwa Mikoa ya Lindi na Mhe Shaibu Ndemanga Mkuu wa Wilaya ya Lindi katika kijiji cha Mnolela kilichopo ndani ya Halmashauri ya Mtama

Katika hotuba yake  Mhe. Ndemanga aliwasitiza wananchi kuona umuhimu wa kupata elimu ya matumizi bora ya mbolea na kwamba wanatakiwa kuwatumia wataalamu wa kilimo ngazi za Kata na Vijiji ili waweze kupata ushauri wa njia bora ya matumizi ya mbolea hali itakayosaidia kukifanya kilimo kiwe chenye  tija na endelevu. Mwisho aligawa mbegu na mbolea kwa baadhi ya wakulima na kuonesha kwa vitendo namna ya kupanda na kutumia mbolea hizo kwenye shamba moja la mfano darasa.

Mamlaka ya Udhibiti wa Mbolea Tanzania, imeendelea kutoa elimu ya matumizi bora ya mbolea kwa vikundi mbalimbali na kuandaa kilimo darasa mahsusi katika kutoa elimu na kujenga uwezo utakaosaidia wananchi wengine kutekeleza kilimo kwa mfano na kujenga hari ya kupata mafanikio makubwa katika kilimo.