NAPE AUPONGEZA UONGOZI WA HALMASHAURI YA WILAYA YA MTAMA

Posted on: September 17th, 2021

Mbunge wa Jimbo la Mtama lililopo Halmshauri ya Wilaya ya Mtama Mkoani Lindi Mh. Nape Mosses Nnauye ametoa pongezi kwa uongozi mara baada ya kutembelea eneo  lililotengwa kwa ajili ya ujenzi wa kituo cha afya katika kijiji cha Mvuleni Kata ya Mtama, amesema ameridhishwa na kitendo cha Halmashauri kutenga maeneo kwa ajili ya ujenzi wa huduma mbalimbali za kijamii huku akitoa wito kwa uongozi wa Halmashauri hiyo kuendelea kutoa hamasa kwa wananchi kujitokeza kushiriki  shughuli mbalimbali za kujitolea pindi ujenzi wa kituo hicho utakapoanza ”Kwanza nikupongeze Mkurugenzi na timu yako nimefurahishwa sana na jambo hili eneo ni zuri na linafikika kwa urahisi litatuondolea adha na changamoto kwa wananchi wetu kutembea umbali mrefu kufuata huduma za afya ”alisema Nape Mbunge wa Jimbo la Mtama.

Aidha kwa pande wake Mkurugenzi Mtendaji wa Halmshauri hiyo Ndg. George Emmanuel Mbilinyi amemhakikishia Mbunge huyo kuwa atashiriki kikamilifu wakati wa kusimamia ujenzi wa Mradi huo kuanzia hatua za mwanzo hadi utakapokamilika.