MKUU WA MKOA ZAINAB TELACK ATEMBELEA MIRADI YA MWENGE MTAMA DC

Posted on: July 16th, 2021

Mkuu wa Mkoa wa Lindi Mh. Zainab Telack amefanya ziara ya kutembelea miradi mbalimbali itakayopitiwa na msafara wa mbio za mwenge itakayofanyika Agosti 27 2021 katika Wilaya ya Lindi.

Ziara hiyo ameifanya akiwa na kamati za Ulinzi na Usalama ngazi ya mkoa na Wilaya tarehe 15 Julai 2021 ambapo alipata nafasi ya kutembelea na kukagua mradi wa hospitali ya Wilaya iliyopo katika kata ya Kiwalala na kuridhishwa na maendeleo ya mradi huo.

Aidha katika ukaguzi wake hospitalini hapo, Bi Zainab ametoa wito kwa wazazi waliokuwa wakipata huduma mbalimbali ikiwemo chanjo kwa watoto kuhakikisha watoto chini ya miezi sita wananyonya kipindi chote na kuwapongeza wakina baba waliowapeleka kliniki watoto wao.

Mapokezi ya mwenge yatafanyika Nyangao kwenye uwanja wa mpira wa miguu  na mkesha ni viwanja vya shule ya msingi Mpilipili tarehe 27 Agosti 2021 ndani ya Manispaa ya Lindi.