MKUTANO WA BARAZA LA MADIWANI KWA ROBO YA KWANZA WAFANYIKA MTAMA

Posted on: October 22nd, 2024

Mkutano huo wa Baraza la Madiwani umefanyika Leo tarehe 22 Oktoba 2024 katika ukumbi wa mikutano uliopo Halmashauri ya Wilaya ya Mtama Kwa lengo la kujadili taarifa mbalimbali za utekelezaji wa miradi na mipango mikakati Kwa robo ya kwanza (kuanzia julai-oktoba 2024).

Akihutubia Baraza hilo Mkuu wa Wilaya ya Lindi Mhe: Victoria Mwanziva aliwapongeza Waheshimiwa Madiwani Kwa utoaji wa huduma bora kwani wamekuwa watetezi wakubwa Kwa Wananchi lakini pia DC Mwanziva amewasisitiza Waheshimiwa Madiwani kuhakikisha wanakuwa na mahusiano mazuri baina yao na Wananchi.

Aidha kuelekea Uchaguzi wa Serikali za Mitaa Novemba 27, Ndugu Anderson Msumba Mkurugenzi Mtendaji Halmashauri ya Wilaya ya Mtama na Msimamizi wa Uchaguzi amewahimiza Waheshimiwa Madiwani kuhakikisha wanahamasisha Wananchi wenye sifa kuchukua na kurudisha fomu za ugombea katika nafasi mbalimbali za uongozi kuanzia tarehe 26 Oktoba hadi tarehe 01 Novemba Mwaka huu.

Lakini pia Mwenyekiti wa Halmashauri ya Wilaya ya Mtama Mhe: Yusuf Tipu amewataka Wataalamu wa Halmashauri kushirikiana pamoja na Waheshimiwa Madiwani ili kutatua Kwa wakati kero za Wananchi.