MKURUGENZI AFANYA ZIARA YA KUTEMBELEA NA KUKAGUA MIRADI YA MWENGE.

Posted on: April 15th, 2024

Ndugu Anderson Msumba Mkurugenzi Mtendaji wa Halmashauri ya Wilaya ya Mtama leo tarehe 15 Aprili 2024, amefanya ziara ya kutembelea na kukagua miradi mbalimbali ya mwenge ndani ya Halmashauri.

Miradi hiyo ni uwanja wa mpira wa Nyangao(eneo la kupokea mwenge), Bweni la wavulana na wasichana Shule ya Sekondari Mahiwa, kiwanda kidogo cha seremala Nyangao, kituo cha Redio Mtama, jengo la Utawala la Halmashauri, Madarasa 2 Shule ya Msingi Songambele, Muendelezo wa Ujenzi wa Barabara Nyengedi-Rondo kilomita 1.1, kituo cha Afya Nahukahuka, Mradi wa Maji Kata ya Mandwanga, Madarasa 2 Shule ya Msingi Chihuta pamoja na eneo la kulaza Mwenge shule ya Msingi Chihuta.

Katika  ziara hiyo Mkurugenzi amewataka wataalamu wa Halmashauri kufanya tathimini ya mapungufu ya miradi hiyo na wabainishe njia ya kusuluhisha mapangufu hayo aidha aliongeza kuwa wakuu wa Idara na Vitengo wanapaswa kufanya tathimini ya maendeleo (2020-2024) katika sekta zao ili wajue wapi wamefanikiwa na wapi kuna changamoto.

Mwisho Mkurugenzi alisisitiza kua elimu ni urithi pekee kwa wototo hivyo idara ya elimu Msingi na Sekondari, Walimu, Madiwani, watendaji kata na vijiji wanapaswa kushirikiana kuondoa changamoto mbalimbali za elimu.