MAKABIDHIANO YA OFISI.

Posted on: July 12th, 2024

Dokta Tasilo Lupapa ameteuliwa na kukabidhiwa kukaimu nafasi ya Mganga mkuu wa Halmashauri ya Wilaya ya Mtama Baada ya aliyekuwa katika nafasi hiyo Ndugu Dismas Masulubu kupata uhamisho wa kuhamia Halmashauri ya Kibiti, Makabidhiano hayo yamefanyika leo tarehe 12 Julai 2024 katika ukumbi wa mikutano wa Halmashauri ya Mtama.

Aidha Afisa Utumishi wa Halmashauri ya Wilaya ya Mtama Ndugu Osmond o. Makwinya alimpongeza Dokta Lupapa kwa kukabidhiwa nafasi hiyo lakini pia alimtaka kuhakikisha anawasikiliza na anakuwa karibu na watumishi wengine ili kuweka mazingira rafiki ya kufanya kazi kwa bidii.

Akiongea na watumishi  Dokta Kasanga kwa niaba ya Waganga wafawidhi wa Halmashauri ya Mtama alimpongeza Ndugu Dismas Masulubu kwa uongozi wake imara na kumtakia utumishi mwema kule aendako  lakini pia aliahidi kutoa ushirikiano wa kutosha kwa Dokta Lupapa  ambaye ni Kaimu Mganga mkuu.

Mwisho Kaimu Mganga mkuu, Katibu wa Afya pamoja na watumishi wengine walipiga picha za pamoja kwa ajili ya kumbukumbu.