KIKAO CHA TATHMINI YA LISHE WILAYA KWA ROBO YA NNE MTAMA.

Posted on: July 23rd, 2024

Watendaji wa kata Halmashauri ya Mtama wameshiriki katika kikao cha Tathmini ya lishe  kwa ngazi ya Wilaya,Kikao hiko kimefanyika leo tarehe 23 Julai 2024 katika ukumbi wa mikutano uliopo Halmashauri ya Wilaya ya Mtama.

Aidha Mwenyekiti wa kikao hiko Ndugu Hezron Elias Afisa Tarafa ya Nyangamara kwa niaba ya Mkuu wa Wilaya ya Lindi alisema kuwa lengo la kikao hiko ni kupokea na kutathimini hali na masuala ya lishe ndani ya Halmashauri ya Mtama, lakini pia aliwataka watendaji wa kata kuhakikisha wnashirikiana ipasavyo hadi ngazi ya kijiji pamoja na wazazi ili kufikia lengo la lishe bora mashuleni.

Akitoa Tathmini ya lishe kwa Wajumbe wa kikao hiko  Bw: Gozbert Henerico Mratibu wa lishe Wilaya alisema kuwa katika hatua ya uwajibikaji Halmashauri ya Mtama imepata kiashiria cha kijani (Nzuri) kwa ushiriki na usimamiaji mzuri wa siku ya Afya na Lishe katika ngazi ya kijiji.