KATA YA MTAMA NA MAJENGO WAANDAA BONANZA LA KUMUAGA ALIYEKUWA MKURUGENZI WA HALMASHAURI YA MTAMA.

Posted on: March 24th, 2024

Bonanza hilo limefanyika leo tarehe 24 machi 2024 katika uwanja wa shule ya sekondari Mtama kwa lengo la kumuaga na kumtakia heri katika safari yake aliyekuwa Mkurugenzi wa Halmashauri ya Wilaya ya Mtama Ndugu George E Mbilinyi na Mgeni Rasmi wa bonanza hilo.

Aidha bonanza hilo lilijumuisha michezo miwili ambayo ni mpira wa miguu kwa wanaume(Simba na yanga) na mpira wa mikono kwa wanawake(Simba na yanga), kwa upande wa mpira wa miguu timu zilitoka sare ya bila kufungana huku mpira wa mikono simba wakitoka na ushindi wa magoli 15 dhidi ya magoli 6 kwa upande wa yanga.

Akiongea na wanamichezo pamoja na wananchi Mgeni Rasmi wa bonanza hilo aliwashukuru madiwani wa kata zote mbili, Mheshimiwa Maria Nyale(Diwani kata ya Mtama) na Mheshimiwa Issa Nyambala(Diwani kata ya Majengo) kwa kuaandaa shughuli hiyo muhimu lakini pia aliwasisitiza kuendeleza ushirikiano katika jambo lolote linalohusu michezo na kuwakaribisha Buhigwe kama kuendeleza upendo na mshikamano

.

Mwisho mgeni Rasmi alitoa zawadi kwa washiriki wa michezo hiyo na aliwakabidhi jezi walizo vaa wachezaji wa simba kuwa za kwao binafsi kama kuonyesha ishara ya kumbukumbu kwao pia alimkabidhi zawadi maalumu kipa wa timu ya simba kwa lengo la kuendeleza na kumpa moyo kwa kipaji alicho kionyesha.