IDARA YA MIPANGO NA URATIBU YAENDELEZA ZIARA YA KUKAGUA MIRADI HALMASHAURI YA MTAMA.

Posted on: October 2nd, 2024

 Wataalamu kutoka idara ya mipango na uratibu Jana tarehe 01 Oktoba 2024 wameendeleza ziara Yao yenye lengo la kukagua na kutathmini miradi mbalimbali ya Maendeleo inayotekelezwa katika Halmashauri ya Wilaya ya Mtama.

Katika Ziara hiyo miradi iliyo tembelewa ni ukamilishaji wa jengo la zahanati Nahukahuka, Ujenzi wa miundombinu ya matundu matano ya vyoo pamoja na jengo la mama na mtoto zahanati ya Lipome na zahanati ya Madingo, ukarabati wa vyumba viwili vya madarasa shule ya Sekondari chiuta, Ujenzi wa madarasa mawili shule ya Msingi chiuta, Ujenzi wa darasa maalumu la watoto na matundu nane ya vyoo shule ya Msingi chiuta na ukamilishaji wa nyumba ya Mwalimu shule ya Msingi Kilidu.