HALMASHAURI YA MTAMA YAUNGANA NA HEART TO HEART FOUNDATION KUADHIMISHA SIKU YA KUNAWA MIKONO DUNIANI.

Posted on: October 15th, 2024

Maadhimisho hayo yamefanyika Leo tarehe 15 Oktoba 2024 katika Kijiji Cha Nyangamara A kilichopo kata ya Nyangamara ambapo Halmashauri ya Wilaya ya Mtama Kwa kushirikiana na Shirika la Heart to Heart Kwa pamoja wakamilisha Maadhimisho hayo.

Aidha Mgeni Rasmi wa Maadhimisho hayo ambaye ni Mkuu wa Wilaya ya Lindi Mhe: Victoria Mwanziva amewahasa Wananchi kuzingatia usafi wa mikono na mwili lakini pia usafi wa mazingira Kwa kuhakikisha wanatumia vyoo bora majumbani na kwenye taasisi mbalimbali.

Hata hivyo DC Mwanziva Kwa niaba ya  Serikali ameshukuru Shirika la Heart to Heart Kwa kusaidia jitihada za Serikali kama vile kuchimba visima kwenye shule, zahanati na vituo vya afya lakini pia kutoa elimu Kwa Wananchi kuhusu matumizi ya vyoo bora.

Mratibu wa Heart to Heart Foundation bwana aliongeza kuwa shirika hilo linahakikisha jamii inapata mahitaji muhimu Kwa wakati sahihi kama vile maji safi na salama ili kuepukana na magonjwa yanyosababishwa na matumizi ya maji ambayo siyo safi na salama.