DED MTAMA AFUNGUA MILANGO YA UWEKEZAJI

Posted on: September 8th, 2021

Mkurugenzi Mtendaji wa Halmashauri ya Wilaya ya Mtama Mhe. George Mbilinyi ametoa fursa kwa wawekezaji kutoka ndani na nje ya Tanzania waweze kujitokeza kwa wingi ili kuwekeza kwenye maeneo mbalimbali yaliyopo katika Halmashauri hiyo jambo litakalopelekea ongezeko la ukusanyaji wa mapato. Ameyasema hayo Septemba 08 2021 alipokuwa katika mahojiano na waandishi wa habari Mkoani Lindi na kuongeza kuwa ndani ya Halmashauri hiyo kuna maeneo mengi ya uwekezaji hivyo uongozi wa Halmashauri ya Wilaya ya Mtama umeweka mazingira rafiki kwa wawekezaji watakaojitokeza.  

Sambamba na hilo Mh. Mbilinyi amewaomba wageni wote wanaokwenda  kwa ajili ya shughuli za kiofisi katika Halmashauri hiyo waweze  kupata huduma ya malazi pamoja na chakula ndani ya Mji wa Mtama kwani kwa kufanya hivyo kutapelekea ongezeko la ukusanyaji wa mapato na kuweza kuwa chachu kwa wafanyabiashara mbalimbali kuboresha na kuendeleza biashara zao.