BONANZA LA UHAMASISHAJI KUELEKEA ZOEZI LA UANDIKISHAJI WA ORODHA YA WAPIGA KURA HALMASHAURI YA MTAMA.

Posted on: October 10th, 2024

Bonanza hilo limefanyika Jana tarehe 9 Oktoba 2024 katika kiwanja Cha mpira maarufu kama Stadium huku Lengo kuu la bonanza hilo ni kuhamasisha Wananchi kujitokeza kujiandikisha kwenye orodha ya wapiga kura kuanzia tarehe 11 Oktoba hadi tarehe 20 Oktoba 2024.

Aidha bonanza hilo lilihusisha mchezo wa mpira wa miguu uliochezwa Kati timu kutoka kata ya Mtama na timu kutoka kata ya Majengo ambapo timu kutoka kata ya Mtama iliibuka na ushindi wa mabao matatu Kwa moja ikiwa ndiyo mshindi wa kwanza na kujinyakulia zawadi ya mbuzi huku mshindi wa pili ambaye ni kata ya Majengo ikiondoka na zawadi ya kuku.

Hata hivyo Bi Emma Lunojo Kaimu Msimamizi wa Uchaguzi Halmashauri ya Mtama amewasisitiza Wananchi kujitokeza Kwa wingi kujiandikisha kwenye orodha ya wapiga kura kwani kutojiandikisha kutaondoa sifa kuwa mpiga kura.

  "Serikali za  Mitaa Sauti ya Wananchi Jitokeze kushiriki Uchaguzi."