WANANCHI WA MANDWANGA WASISITIZWA KULINDA MIUNDOMBINU YA MAJI.

Posted on: September 21st, 2024

Waziri wa Viwanda na Biashara Mhe: Seleman Jafo(Mb) amewasisitiza Wananchi wa kata ya Mandwanga  kutoharibu miundombinu ya maji kama vile mabomba na koki, Ameyasema hayo tarehe 21 Septemba 2024 alipotembelea na kukagua mradi mkubwa wa maji uliopo kata ya Mandwanga (Mandwanga Corridor) wakati wa ziara yake katika Halmashauri ya Mtama.

Mradi huo unaenda kuondoa tatizo la ukosefu wa maji safi na salama katika Vijiji nane vilivyopo katika kata hiyo vyenye jumla ya watu zaidi ya elfu 20, aidha alisisitiza pia Ruwasa kuhakikisha Wananchi wanapata huduma hiyo ya maji Kwa bei nafuu ili Kila mwananchi apate maji kulingana na mahitaji yake.