MKUTANO WA BARAZA LA MADIWANI KWA ROBO YA NNE WAFANYIKA MTAMA.

Posted on: July 25th, 2024

Mkutano wa Baraza la Madiwani katika Halmashauri ya Wilaya ya Mtama umefanyika leo tarehe 25 Julai 2024 kwa ajili ya kujadili taarifa za utekelezaji kwa robo ya nne, Mkutano huo umefanyika katika ukumbi wa mikutano uliopo Halmashauri ya Mtama.

Akihutubia Mkutano huo Mwenyekiti wa Halmashauri ya Wilaya ya Mtama Mheshimiwa Yusufu Tipu aliwasisitiza waheshimiwa madiwani kusimamia fedha zinazoletwa na Serikali katika kata zao kwa ajili ya miradi ya maendeleo kuhakikisha miradi hiyo ina kamilika kwa hatua nzuri.

Aidha Katibu Tawala Wilaya ya Lindi Ndugu Hudhaifa kassim Rashidi kwa niaba ya Mkuu wa Wilaya ya Lindi alisema kuwa wataalamu wa Halmashauri wanatakiwa kushirikiana ili kuhakikisha Wananchi wanapata huduma bora na kwa wakati, lakini pia aliwataka wataalamu kama vile mafundi kujisajili katika mfumo wa Nest ili kupata tenda za Serikali.

Mwisho Mkurugenzi Mtendaji alimshukuru Raisi wa Jamhuri ya Muungano wa Tanzania Daktari Samia Suluhu Hassani kwa kutoa kibali cha kuajiri watumishi zaidi ya 200 katika Halmashauri ya Wilaya ya Mtama.