DC NDEMANGA ATEMBELEA MIRADI YA MWENGE HALMASHAURI YA MTAMA.

Posted on: April 17th, 2024

Ndugu Shaibu Ndemanga Mkuu wa Wilaya ya Lindi leo tarehe 17 Aprili 2024 ameongoza kamati ya Ulinzi na Usalama ya Wilaya, Wataalamu wa Halmashauri, TARURA pamoja na RUWASA kutembelea miradi mbalimbali ya Mwenge ndani ya Halmashauri ya Wilaya ya Mtama.

Katika ziara hiyo miradi iliyotembelewa ni Eneo la kupokea Mwenge Nyangao, Bweni Shule ya Sekondari Mahiwa, Kituo cha Redio Mtama, Mradi wa Maji Chihuta, Eneo la kulaza Mwenge Chihuta, Madarasa 2 Shule ya Msingi Chihuta, Madarasa 3 Shule ya Msingi Songambele, Shamba la miti shule ya Msingi Songambele, karakana ya kikundi cha vijana Nyangao, Zahanati Nahukahuka pamoja na muendelezo wa ujenzi wa barabara Nyengedi-Rondo.

Mkuu wa Wilaya alipendezwa na miradi hiyo na kuagiza kuwa Halmashauri ifanyie kazi maboresho madogo madogo na miradi yote ni lazima iwe na bendera ya Taifa.

Aidha alisema kuwa kituo cha Redio Mtama kitatumika kumuhoji kiongozi wa mbio za  Mwenge(siku ambayo mwenge utatembelea radio Mtama) na ujumbe wa mbio za mwenge wananchi waupate kupitia Redio Mtama, Mwisho aliwataka wajumbe wa jiandae kwaajili ya ukaguzi wa Kamati ya Ulinzi na Usalama ya Mkoa wa Lindi.